Herder Heer (Flam 182)

Herder Heer, na wie ek soek
Ek wil luister as U roep
Want ek swig, ek val en gly
As U stem verdof in my
Voor U Heer kom word ek stil
Buig my hart en buig my wil

Daar is waters in woestyne
By die Herder se fonteine
As die storms woed in my
Sal ek daar my rus kom kry

Wys U my hoe ek moet leef
Leer U my om U te ken
Ek alleen verbrou en dwaal
U alleen kan my kom haal
Op die weg kan U my hou
Al is dit steil, al is dit nou

Daar is waters in woestyne
By die Herder se fonteine
As die storms woed in my
Sal ek daar my rus kom kry

Gee my lig, ontskemer my
As ek wil swig, kom anker my
Want ek is broos, onvas, onwys
Sal U vir my die pad kom wys
Waar U spore my heen lei
Wil ek wandel, wil ek bly

Daar is waters...

Die ware wingerdstok

Met die groot vooreg om in die boland te bly, omring deur pragtige wingerde beleef 'n mens iets van God se koninkryk reeds hier op aarde.  Ons weet dit is wel net 'n voorsmaakie van dit wat reeds vir ons wag.  Ek het so 2 maande terug deur die wingerde gestap en gesien hoe die werkers die bas van die wingerdstok aftrek, net 'n strook in die middel.  Die rede daarvoor het ek uitgevind is om die wingerd wakker te maak uit sy slaap.  Wat ook gebeur is dat die wingerd op daardie oomblik skielik hope energie (energy boost) na sy lote stuur, sodat dit vinniger kan begin bot en dan natuurlik vrug te kan dra.  So kry ons onsself en ander partykeer in so 'n slaapende toestand waar ons sluimer.  Gelukkig weet ons dat ons Vader alles in stand hou en daar tye is waar Hy ons kom wakker maak deur heilige oomblikke vir ons te gee waar ons Hom ontmoet gesig tot gesig en so kom maak die Gees van God iets in ons los waar ons vol energie is wat lei tot die dra van vrug.

Joh.15:1-2: "Ek is die ware wingerdstok en my Vader is die boer. Elke loot aan My wat nie vrugte dra nie, sny Hy af, maar elkeen wat vrugte dra, snoei hy reg, sodat dit nog meer vrugte kan dra". 5: "Ek is die wingerdstok, julle die lote. Wie in my bly en ek in hom, dra baie vrugte, want sonder my kan julle niks doen nie". 8: "My Vader word juis daardeur verheerlik dat julle baie vrugte dra en my dissipels is."

SABC 2's Riaan Cruywagen Remix...September 2011

Yskas gewoontes

Ons het onlang klaar gemaak met verf in ons kombuis en so het ons yskas nie op sy normale plek gestaan nie. Met die gevolg toe wanneer dit weer op sy oorsproklike plek staan ek myself die heeltyd uitvang om na die verkeerde plek te stap waar die yskas nie meer is nie.  Ek besef hiermee dat dit nogals moeilik is om van ou slegte gewoontes ontslae te raak.  Die Woord van God leer ons in Rom.12:2 om ons denke te vernuwe, maar ek besef dat dit nogals moeilik kan wees, veral as slegte gewoontes so oor 'n mens se lewe heers. Ek besef dat al hoe 'n mens dit kan verander is om in "training" te gaan. Ons is immers elke dag dissipels van die lewe wat in "training" is en groot lewens lesse leer.  Niemand van ons is perfek nie, maar ons word wel deur God se oë as heiliges gesien. Mag ons daaraan vas hou en daagliks ons oë gevestig op Jesus hou.  Voor ons onself kan kry is ons ou gewoontes verby en doen ons doen dit wat reg is voor God.  Ek sukkel na 'n week om nogsteeds partykeer na die regte plek te loop opsoek na die yskas, maar ek kan beleef hoe dit al hoe makliker raak.

Met watter gewoontes wil God hê moet jy vandag mee breek? Vuil taal, pornografie, vinnig ry, skinder, negatiwiteit ?  Onthou dat ons onself nie kan verander nie, maar net God kan. Dit kos durf en inoefening. It's our responsibility to choose to change but it's God's responsibility to change us. Kom ons kies die Lewe vandag...

Brian Welch - I Am Second

Brian Welch - I Am Second

Stokkie lekker wat beweeg oor grense...

Vandag is ons laaste dag van die Holiday club en my gedagtes gaan vanoggend so 2jaar terug na Msinga, een van ons land se armste areas. Dis 'n koue oggend waar ek myself bevind in 'n baie klein hut. Ek sit hurkend gekniel by 'n zoeloe oumatjie wat meer been as vlees is. Langs haar is 'n vuurtjie sommer op die grond gemaak terwyl sy skuil in die hoekie, dit is nie meer te lank voor die aarde haar weer kom terug verwelkom. Ek dink terug van hoe ek by haar sit en hoe ek nie eers met haar kan kommunikeer nie wat nog te sê oor die evangelie verkondig. Met die hulp van 'n tolk laat haar kinders my verstaan dat sy wel 'n gelowige is.  Ek gee haar 'n stokkie lekker, maar sy is te swak ek kan nie eers haar arms optel om dit te neem nie. Ek besluit toe om die lekker vir haar oop te maak en in haar mond te plaas. Ek hoor toe die mooiste geluid wat ek nog ooit gehoor het, die geluid van mmmmm..... Op daardie oomblik kan geen grens kwessie van taal of kultuur ons keer nie en oorwin die liefde by vêr! Vandag as ek terug dink, weet, glo en vertrou ek dat God in beheer is.  Ek weet dat toe die suigstokkie in kontak kom met ouma se mond daar 'n ontploffing van smaak plaas gevind het.  Mag daar net so 'n ontploffing in ons harte plaasvind wanneer ons Jesus ontmoet en ander bedien met self iets so eenvoudig soos die gee van liefde deur 'n stokkie lekker.

Afgedopte verf...

Daar word tans aan ons ou plaas huisie gewerk, dit alles vir die reg maak van ons 1ste-ling wat oppad is.  Alles is maar beroerd veral met die verf van al die kamers.  Ons het ontdek dat die vorige huurders nie primer ('n verf onderlaag) op die mure gesit het voordat hulle geverf het nie, met die gevolg dat al die huidige verf op die mure afdop.  Dus moes ons nou al die mure van ou verf afskraap en dan onderlaag opsit en dan 3 lae verf.  Dit is nogals 'n groot werk en om te dink dat al die moeite gespaar sou kon wees indien 'n mens reg gewerk of geleer is van die begin af.  Dit laat my dink aan ons as mens... hoeveel van ons dop af asgevol van 'n onvoorbereide lewe.  Of hoeveel van ons dra nou maar ons maskers om iets te wees, om voor te gee dit wat ons nie bedoel was om te wees nie? Op hoeveel verkeerde maniere word ons van kunsbeen af aan geleer oor ons God's beeld, oor verskillende mense van verskillende agtergronde en kutuur? Ek vang myself kort kort uit en vra myself waarmee is ek besig? Mag God ons denke en persepsies kom verander oor die lewe, oor mense en oor God. Kom ons vra die God's vraag?  TREE GOD OP IN DIT WAT EK DOEN???

Foto geneem gister by ons Holiday Club